Ajuts locaus entàs enterpreses de Bossòst damb motiu des pèrtes economiques ocasionades pera pandemia deth COVID-19.

A compdar d’aué e enquiath dia 28 de mai, es petites enterpreses e autonòms de Bossòst pòden demanar ua subvencion de 500 èuros damb motiu des pèrtes economiques ocasionades pera crisi dera pandèmia deth COVID-19, d’acòrd damb era convocatòria e es bases reguladores que vien de publicar-se:

CONVOCATÒRIA: https://bop.diputaciolleida.cat/…/servlets/donarEdicte/

BASES REGULADORES: https://tauler.seu.cat/pagDetall.do?idEdicte=294035

Entad açò, ei indispensable presentar (en Ajuntament o en sedença electronica, damb instància generica https://www.seu-e.cat/ca/web/bossost/seu-electronica) era documentacion següenta:

– Document acreditatiu sus eth corrent des obligacions fiscaus e tributàries.

– Nauta en IAE.

– Darrèr recebut d’autonòms pagat.

– Libre d’ingrèssi e despenes (2020 e 2019), en cas des professionaus damb estimacion objectiva (mòduls); o modèu 131 IRPF. Empresaris e professionaus en estimacion objectiva (periòdes equivalents); o

– Modèu 130 IRPF. Empresaris e professionaus en estimacion dirècta (2019 e 2020); o

– Modèu 303. IVA (2019 e 2020); o

– Còpia deth libre de registre de factures emetudes e recebudes, deth libre d’ingrèssi e despenes, deth periòde justificat (2020 e 2019), en cas dera rèsta d’empresaris.

En tot cas, era documentacion aportada aurà d’acreditar era pèrta d’ingrèssi, sense perjudici que se requerisque, en periòde de verificacion, era aportacion de documentacion complementària o de quinsevolh miei de pròva que servisque entà verificar e acreditar adientment er accès ar ajut.

Info: Ajuntament de Bossòst