Er Ajuntament de Bossòst enlumène er interior deth campanau romanic dera glèisa de Santa Maria dera Purificacion, ben culturau d’interès nacionau, entà remercar-ne eth sòn valor patrimoniau, dempús dera sua recenta restauracion.

Era tor siguec objècte d’ua actuacion de limpiesa e consolidacion finançada entre eth Conselh Generau d’Aran, era Generalitat de Catalonha e er Ajuntament de Bossòst, damb eth supòrt dera parròquia e eth Bisbat d’Urgell.

Totun, era glèisa de Bossòst qu’ei un des exponents mès subergessents der art romanic aranés e era jòia patrimoniau mès importanta deth municipi, dubèrta ath culte e ar interès e era admiracion de fòrça visitants.

Info: Ajuntament de Bossòst