Er Ajuntament de Les a estat present ena Hèira internacionau de torisme en Madrid (FITUR), representat pera còsso Anna Vergés Pérez qu’a assistit a disparièrs actes organizats en aguesta hèira, en tot acompanhar a d’auti representants aranesi.

En aguest marc, cau destacar era preséncia de Les en FITUR, a on en airau d’enterpreses, s’an expausat varis projèctes amiats a tèrme en municipi coma exèmple de present e futur dera tecnologia e sostenibilitat enes destins toristics.

Era oficina virtuau de torisme e eth sòn chatboot, e era ginkana digitau atau coma es tótems informatius installats er ostiu d’estant passat en Les, son quauqui d’aguesti elements qu’es visitants e professionaus an pogut veir e consultar.

Info: Ajuntament de Les