Er Ajuntament de Naut Aran a repavimentat tota era via d’accés ara poblacion de Gessa.

En aguest sens, s’a trabalhat en mès de 1000 mètres quarrats des der inici dera rotònda enquiara entrada principau d’aguesta poblacion.

S’a amiat a tèrme era accion pr’amor qu’eth solèr non se trapaue enes milhors condicions e s’auie desgastat peth pas deth temps.

Sus açò, en prumèr tèrme s’a fresat era via, e dempús s’a aplicat ua naua capa de gondron entà deishar era carretèra enes milhors condicions possibles.

En totau s’an destinat 37.000 èuros provinenti der Ajuntament de Naut Aran.

Info: Ajuntament de Naut Aran