Ager, dia 16 d’abriu cap ath ser, e en Pyrenmusèu de Salardú, laguens deth Festival Pyrenades, se presentèc er album «Es Jòies dera Castafiòre» dera sèria Es AVENTURES de Tintín tradusit ar aranés.

Era revirada a estar amiada per Tònho Castet, damb era correccion deth Dr. Antòni Nogués e damb er assessorament de Jèp de Montoya, toti tres membres d’era Associacion Es Paums, que apareix en àlbum ena trama d’era istorieta.

Ena presentacion en Salardú intervieren es editors dera òbra Ana Zendrera (Edicions Zephyrum, Albèrt Mestres (Edicions Trilita), Manel Rocher de Pyrenades, Jusèp Loís Sans der Institut de Estudis Aranesi Acadèmia dera lengua occitana e er autor dera traduccion Tònho Castet.

Pendent er acte es Editors e Es Paums ja anoncièren era publicacion enes mesi que vierán de dus albums mès: «Objectiu era lua» e «Auem cauishigat ena lua«.

Eth libre «Es Jòies dera Castafiòre» ja ei entà véner enes llibreries.