Era bailessa d’Arties e Garòs, Lina Fanlo e Ester Sirat, en representacion de Les, an participat ena XI Trobada Internacionau d’Halhaires que s’a hèt en Sant Julià de Cerdanyola a on an explicat era tradicion deth Taro d’Arties e eth Haro de Les.

Rebrembam qu’aguesta hestivitat siguec distingida pera UNESCO coma patrimòni inmateriau en an 2015 amassa damb er Haro de Les e d’autes deth Pirenèu.

Precisament, Lina Fanlo siguec acompanhada per Ester Sirat, halhaira des de ben joena e que tanben expliquèc era tradicion que se hè en Les.

Eth municipi de Les manten atau eth contacte damb d’auti pòbles halhaires e damb era Associacion Civil deth Patrimòni Inmateriau Umanitat, en tot compartir era dimenjada damb d’auti parçans que formen part dera associacion de halhaires coma ei eth pòble vesin d’Arties.

S’a creat ua comission de halhaires ena que seguiràn comunicadi toti es pòbles representadi pes hèstes deth huec entà mantier viua aguesta tradicion istorica.

Info: Ajuntament de Naut Aran / Ajuntament de Les