Acte de celebracion de Santa Barbara, patrona des Pompièrs d’Aran.
Ager, 4 de deseme, se celebrèc er acte de commemoratiu de Santa Barbara, patrona des Pompièrs d’Aran. Damb aguesta celebracion se met en valor eth servici d’aguest còs ara comunautat aranesa.
Era sindica d’Aran, Maria Vergés, a volut remercar “es auanci en desplegament competenciau atau coma es rèptes qu’encara demoren per assolir en encastres com era proteccion civiu e era prevencion, atau coma era actualizacion deth finançament totun mercades en calendàri tà tractar ena amassada pendenta damb era conselhèra d’Interior”.
Foto: Conselh Generau d’Aran
Pendent er acte, en qu’an prenut tanben era paraula eth Major de Pompièrs Emergéncies, Manel Bosch, e eth director generau de prevencion e escandiment de huecs dera Generalitat, Joan Delor, era sindica d’Aran a destacat era importància dera preséncia de pompières e eth besonh qu’es professionaus de Pompièrs Emergéncies poguen compdar damb condicions laboraus similares as des sòns omològs dera Generalitat, qüestion que trasladarà ath departament d’Interior catalan.
Info e foto: Conselh Generau d’Aran