Pendent era setmana deth 6 ath 10 de noveme e damb motiu dera participacion dera Escòla Garona de Vielha damb d’auti escòles de França e Italia, en eth programa Eramus+, s’a premanit un seminari de conferéncies e visites ena Val d’Aran.
Es participaires, pendent aguesti dies, portaràn a tèrme nombroses visites, coma ath Musèu dera Nhèu d’Unha, eth Ecomusèu de Joanchiquet de Vilamòs e as instalacions deth Caviar Nacarï e dera Escòla d’Ostalaria en Les.
Eth prumèr dia aurà loc era recepcion en Ajuntament de Vielha e Mijaran a cargue deth baile Juan Antonio Serrano e dempús en Conselh Generau d’Aran, a cargue de Carlos Barrera, Síndic d’Aran damb Jèp de Montoya, conselher de cultura e patrimoni e Elisa Ros, tècnica de patrimoni deth Conselh.
Toti es dies, es participaires an premanides ues conferéncies de diuersi tèmes, e activitats culturaus e gastronòmiques, coma un concèrt de música tradicionau aranesa e pintxo-pote pes bars de Vielha, entre d’auti.