Peth prumèr còp eth pròplèu deluns 11 de març eth conselh executiu dera Generalitat celebrarà era sua reünion en Conselh Generau d’Aran tau coma anoncièc era pòrtavotz deth Govèrn Elsa Artadi, pendent era arròda de premsa d’aguest dimars ath meddia.
Eth president dera Generalitat, MH Quim Torra, e es conselhèrs dera sua equipa poténcien atau era descentralizacion des amassades dehòra deth Palai dera Generalitat (Barcelona) e se trobaràn a l’Aran dempús de comprométer’s-i damb eth sindic d’Aran Carlos Barrera.
Eth sindic d’Aran, Carlos Barrera, harà ua brèu intervencion, a peticion pròpria, deuant deth conselh executiu deth Govèrn.
Era amassada començarà as 10:30 ores e era arròda de premsa posteriora ath conselh executiu serà entàs 13:00 ores.
Eth president dera Generalitat s’amassarà eth dimenge dia 10 de març damb era Associacion Catalana d’Estacions d’Esquí e Activitats de Montanha, dirigida peth sòn president, Aureli Bisbe ena estacion d’esquí dera Val d’Aran Baqueira Beret
Info. Gencat.cat/Conselh Generau d’Aran