Eth Conselh Generau d’Aran, gràcies ath programa Trabalh e Formacion deth Servici Public d’Aucupacion de Catalunya (SOC), a contractat de forma temporau sies persones en situacion de caumatge e damb dificultats tà trapar trabalh.

Laguens d’aguest programa s’an contractat persones en risc de queir en situacion de caumatge de longa durada e non perceptores de cap prestacion, e que s’an incorporat a diferents departaments coma torisme, servicis sociaus, archiu o brigada, entre d’auti. Segontes eth sòn tipe de contracte, aguestes persones realizaràn diferentes accions pendent 6 o 12 mesi.

Aguesti contractes son subjectes a ues accions de formacion que s’an de realizar de manèra obligatòria. En totau, aguestes persones realizaràn 30 ores de formacion en informatica e 30 mès en comunicacion.

Info: Conselh Generau d’Aran