Eth Conselh Generau d’Aran e era Agéncia Tributària de Catalonha an signat un convèni entara ubicacion d’un burèu ena Val d’Aran de servici e d’atencion ath public dera pròpria Agéncia Tributària de Catalonha.
Er objectiu deth burèu, que se plaçarà en un espaci cedit peth Conselh Generau d’Aran en Vielha, ei refortilhar eth modèl de relacion entre es administracions tributàries catalanes entà melhorar era proximitat des servicis deth ATC ath contribuable.
Aguest burèu s’includís en desplegament territoriau dera ATC e hè part deth hilat complementari de burèus compartidi damb es administracions locaus.
Aguest hilat complementari de dotze burèus compartidi damb es administracions locaus, ei part d’un dusau nivèu de desvolopament de dependéncies dera ATC, damb er objectiu de guanhar preséncia territoriau e refortilhar eth modèl de relacion entre es administracions tributàries catalanes entà melhorar era proximitat des servicis dera ATC ath contribuable, damb prètzhèts d’atencion e assessorament as ciutadans.
Es dotze punts de servici des burèus compartidi se plaçaràn en: Berga, Igualada, Vilanova de la Geltrú, Olot, Ripoll, Cervera, Solsona, Tremp, Vielha, Mora d’Ebre, El Vendrell e Valls.
Eth dessenh deth hilat de burèus territoriaus de gestion tributària s’a amiat a tèrme en tot ponderar era activitat economica damb transcendéncia tributària, es indicadors de proximitat e eth mapa administratiu pròpri de Catalonha.
Informacion: Cosnelh Generau d’Aran