Eth Conselh Generau d’Aran a comunicat qu’a compdar de deman dia 24 de març se reorganizen es consultòris medics de Les, Bossòst e Naut Aran.

Damb aguestes mesures que s’implementaràn a compdar de deman, s’artenh evitar era coincidéncia de pacients enes sales de demora,  evitar eth risc de contagi e amedrir era exposicion des professionaus

Pr’amor crisi deth coronavirus COVID-19, se procedirà, a compdar de deman dimars 24 de març, ara reorganizacion des consultòris de Les, Bossòst e Naut Aran.

Es motius entà aguesta reorganizacion son evitar era coincidéncia de pacients enes sales de demora, amendrir era exposicion des professionaus e des cambis de ròba e equips e evitar eth risc de contagi per part des pacients.

Atau donc, a compdar de deman se preneràn es següentes mesures:

•       Totes es patologies respiratòries s’atieran en Espitau Val d’Aran ((ja hè ua setmana qu’aguestes patologies s’atien en Vielha).

•       Non s’atieran cites presenciaus, totes seran telefoniques o virtuaus (es professionaus contactaran damb es pacients)

•       Se poderan citar ad aqueri pacients qu’an de besonh forçosament anar tara consulta e açò se harà de forma que jamès coincidisquen  fisicament.

•       S’extremaran es mesures de neteja.

•       Es pacients que non se pòden desplaçar seran atengudi en domicili.

•       Enes consultòris de Naut Aran (Salardú e Arties), se centralizarà era assisténcia cada dia en un des dus lòcs.

•       En orari abituau, de deluns a diuendres, es professionaus seran fisicament en consultòri, a pòrta barrada, atient es trucades telefoniques.

Info: Conselh Generau d’Aran