A trauès d’un projècte de collaboracion impulsat peth Conselh Generau e er Institut d’Aran, es alumnes de 3au dera ESO realizaràn diferents activitats coma jòcs de taula o grops de convèrsa pendent ues ores ena residéncia Sant Antòni.

[adrotate group=»1″]

Es joeni e joenes de 3au dera ESO der Institut d’Aran an començat aguesta setmana era activitat de prestacion de servici comunitari ena Residéncia de gent grana Sant Antòni de Vielha.

Aguest projècte de collaboracion impulsat peth Conselh Generau d’Aran e er Institut d’Aran a coma principau objectiu fomentar entre er escolanat accions de compromís civic e d’exercici actiu dera ciutadania.

Gràcies ad aguest servici, es gojats e gojates desvoloparàn, en periòdes de 2-3 ores diàries, diferentes activitats coma jòcs de taula o grops de convèrsa a trauès d’un plan de trabalh elaborat conjuntament entre eth centre educatiu e es professionaus dera residéncia Sant Antòni.

“A trauès d’aguesta activitat, qu’a un mercat esperit comunitari, ajudam tanben a dar a conéisher era residéncia e es activitats que s’i desvolopen, ath temps que l’apropam ara ciutadania entà dar-la a conéisher” manifestaue era vicesindica prumèra e conselhèra d’Igualtat, Salut e Benèster, Maria Vergés.

Info: Conselh Generau d’Aran