Eth Conselh Generau d’Aran, a trauès dera empresa Servicis Ambientaus dera Val d’Aran (SAVA, S.L.) a bastit ua passarella en camin de Burs, que passe per itinerari de Carlac en Bausen.
En aguest camin i auie un hanhàs permanent damb es arraïtzes des arbes que dificultaue eth pas des usatgèrs.
Era passarella a 2 bigues de husta de seccion rectangular d’1 m d’amplada e 5 cm d’espessor. Damb pèires dera madeisha zòna, estacades damb morter, s’an premanit es bases des dues puntes e ua en punt miei dera passarella.
Eth conselhèr d’Agricultura, Ramaderia e Medi Naturau d’Aran, Jose Enrique Arró, a explicat
“damb aguesta passarella se melhore era rota deth bòsc de Carlac que comence en pòble de Bausen e transcor per un des paratges mès emblematics dera Val d’Aran damb un bòsc de hais millenaris”.