Er Ajuntament de Vielha e Mijaran, eth Grèmi d’Ostalaria e eth Servei d’Ocupació de Catalunya presenten era 3au edicion deth Job Dating, qu’aurà lòc eth 14 d’octobre en Palai d’Espòrts de Vielha.

Aguest eveniment preten méter en contacte a trabalhadors e empreses deth territòri en ua jornada que fomente era aucupacion e es contractacions, en tot facilitar er accès ath mon laborau entara sason d’iuèrn 2021/22.

I participen empreses deth sector dera ostalaria, torisme, mès tanben deth comerciau, en tot auer-i mès de 200 aufèrtes de trabalh e 30 empreses fixes.

Ei important qu’era gent que s’apròpe ath Job Dating ac hèsque damb eth sòn curriculum vitae, pr’amor qu’es empreses poderàn amiar a tèrme entrevistes en madeish Palai d’Espòrts. Mès, entà toti aqueri que non poguen vier ath Job Dating, an ara sua disposicion era direccion de corrèu electronic otg_vielha.soc@gencat.cat entà enviar es curriculum vitae, e eth SOC de Vielha les ac trasladarà as empreses interessades. Atau madeish, enguan, coma nauetat, s’a creat un còdi QR ath qu’es interessadi poderàn accedir entà aumplir eth formulari dera organizacion.