Dissabte, 9 de noveme, tàs 19.00 ores, eth Palai d’Espòrts de Vielha acuelherà er acte d’autrejament deth certificat oficiau dera Val d’Aran coma Resèrva dera Biosfèra dera UNESCO.

Pendent er acte, en que i preneran part diuèrsi representants deth teishit socioeconomic dera Val d’Aran, era sindica d’Aran, Maria Vergés, receberà de mans deth secretari generau tath Rèpte Demografic, Francés Boya, era certificacion oficiau d’aguest nomentament per part der Estat, en representacion deth Ministeri de Transicion Ecologica e Rèpte Demografic.

Era celebracion compdarà tanben damb era actuacion des còlhes de dances d’Aran, en tot representar ara cultura aranesa, un des pilars dera candidatura que presentèc era Val d’Aran ara UNESCO.