Deth 4 ath 6 d’agost Naut Aran celèbre er hestau culturau Aqueres montanhes.

Er Ajuntament de Naut Aran e era Associacion Amics de Montgarri an junhut fòrces entà crear eth prumèr hestau “Aqueres montanhes”. Aguesta sinergia a coma objectiu era de difóner era lengua, cultura, tradicions e d’autes qüestions vinculades damb era Val d’Aran, er aranés autant coma era lengua occitana e era vida de montanha enes Pirenèus.

En aguest sens, es activitats previstes començaràn eth diuendres 4 d’agost damb un talhèr d’enigmistica damb Xavi Gutiérrez, un des grani escrivans e poetes dera actualitat en Aran e creador deth Mot Horaviat, ena Bibliotèca de municipau de Salardú.

Ath delà, eth dissabte 5 d’agost entàs 18:00 dera tarde s’harà eth prumèr campionat de petanca de Naut Aran en camp de petanca plaçat en Salardú enes naues installacions municipaus bastides peth pròpri consistòri d’aguest jòc tradicionau occitan.

Pendent era jornada deth dimenge s’harà eth groish deth programa en tot iniciar-se damb un talhèr manual infantil de crotz occitana ena Sala Sociau de Salardú entàs 10:30. A compdar des 18:00 dera tarde seguís era programacion en Montgarri damb un concèrt de Bosnerau, ua projeccion des 50 ans des Amics de Montgarri e fin finau entà barrar era grana hèsta i aurà un concèrt de Lou Dalfin.

Mès info ena imatge destacada.