Es Reis d’Orient mos an informat des sòns oraris d’arribada entà Naut Aran!

Dempús d’un long viatge peth desèrt deth Sahara, es montanhes Atles, vista era Alhambra de Granada, e fin finau, arribar en territòri, visitaràn es pòbles de Naut Aran en següent orari.

Arribada des Reis d’Orient en Salardú: 18:00 ores dera tarde deth dia 5 de gèr.

Començarà era sua rota ena Mòla e anaràn en direccion entara glèisa de Sant Andrèu entà hèr un aufriment. Dempús anaràn entath Ajuntament de Naut Aran a on les reberà eth baile, César Ruiz-Canela, e s’harà un discors. Fin finau, se dirigiràn entara Sala Polivalenta a on i aurà presents entàs vesins empadronadi.

Entàs 19:00 ores seràn en Gessa entà veir ara mainadèra d’aguest endret en tot hèr ua passejada pes sòns carrèrs.

Entàs 19:30 ores seràn ena poblacion d’Arties ena plaça Urtau entà comprovar er esperit des hèstes de Nadau e veir de prumèra man eth bon comportament des petiti de Naut Aran e de d’auti visitants.

Arribe era net mès magica der an!

Es Reis d’Orient arribaràn en Naut Aran eth pròplèu 5 de gèr.

En aguest sens, haràn 3 parades per diuèrsi endrets deth nòste municipi:

18:00 ores Gesseràn dera Mòla de Salardú e se dirigiràn entara Plaça dera Querimònia.

19:00 ores Era dusau rota qu’haràn serà enquiara plaça dera glèisa de Gessa.

19:30 ores Eth darrèr viatge que s’arturaràn serà ena poblacion d’Arties, concretament ena plaça Ortau.

Ei imprescindible e obligatòri qu’es mainatges de 6 ans o mès pòrten era masqueta. Es petiti de 3 a 5 ans ei recomanable que la pòrten.

Es Reis d’Orient aufriràn un present as petiti de Naut Aran en cadua des sues poblacions peth sòn bon comportament ena pandèmia.

Foto: Visit Arties