Arribe ua naua session laguens deth cicle d’accion sociau dedicat as familhes e adolescents  a cargue de Marc Masip damb ua doble conferéncia.

Serà eth dimars dia 14 de mai entàs 17:00 e es 19:00 ores dera tarde ena Sala Polivalenta de Salardú.

Era prumèra, qu’ei dirigida entàs adolescents, se nomente “Ac vòs provar tot” e tracte sus eth consum de substàncies e a coma objectiu informar as joeni sus aguesta qüestion damb es principaus perjudicis que represente. Ath delà, e enfocat entàs familhes, s’harà ua conferéncia sus era adiccion as naues tecnologies damb eth nòm de “Era eroïna deth sègle XX”. Aguesta accion s’aufrís de forma gratuïta per Ajuntament de Naut Aran damb eth prètzhèt d’informar a toti dus collectius sus es risqui que i existissen actuauments ena societat.

Aguest cicle finalizarà eth pròplèu 23 de mai entàs 17:30 ores damb un talhèr d’educacion sexuau tàs familhes ena Sala Polivalenta de Salardú a cargue de Silvia Catalán.