Creactivity ei un espaci-talhèr, damb entrada gratuïta, a on era mainadèra a compdar des 7 ans desvolòpen activitats damb es mans, en tot hèr a servir elements pensadi entà fomentar era creativitat, er esperit emprenedor, era cooperacion e era reflexion.

Pendent aguesti dies i assistiràn es escolans des estudis dera Val d’Aran.

Er autobús de Creactivity ei plaçat ena Plaça Querimonia de Salardú eth dia 6 d’octobre, de 10:00 a 14:00 ores entàs talhèrs escolars e de 16:00 a 19:30 ores entàs visites familhares, de manèra que quinsevolh mainatge o mainada pòt gaudir d’aguest espaci.