Eth dimars, 31 d’octobre, vene a gaudir d’ua naua Hèsta dera Castanhada organizada per Ajuntament de Vielha e Mijaran.

A compdar des 17:30 ores, ena Plaça dera Glèisa, vene a minjar un bon sarpat de castanhes. E, coma nauetat, auram era escadença de barar damb es balhs qu’a organizat peth coreògraf Miguel Pineda.

Vos demoram a toti en aguesta hèsta tanplan importanta dera tardor!

Vielha celebrarà era hèsta d’Era Castanhada aguest pròplèu dissabte 30 d’octobre.

Er Ajuntament de Vielha e Mijaran recupère aguest eveniment tradicionau dera tardor que s’auec de suspéner en 2020 pera pandémia, en que s’aufriràn castanhes as assistents ena plaça dera glèisa, damb era preséncia d’ua castanhèra fòrça especiau.

Eth pròplèu 30 d’octobre, Vielha torne a celebrar era Hèsta d’Era Castanhada, en tot recuperar un eveniment que s’auie amiat a tèrme ans endarrèr, e que siguec suspenut en 2020 pera aparicion dera pandémia dera COVID-19.

Er Ajuntament de Vielha e Mijaran aufrirà castanhes e cava a toti es assistents ena plaça dera glèisa a compdar des 17 ores, en ua serada ena que i aurà era preséncia d’ua castanhèra plan especiau, qu’amenizarà damb umor aguesta tradicionau hèsta.

“Des der Ajuntament de Vielha e Mijaran volem contunhar en tot celebrar aguesta hèsta, pr’amor qu’ena Val d’Aran Era Castanhada ei un eveniment damb fòrça tradicion pendent era tardor, e ara qu’era situacion en relacion ara pandémia ei fòrça bona, volem qu’era gent pogue gaudir d’aguesta hèsta tan especiau”, comente eth baile de Vielha e Mijaran, Juan Antonio Serrano.

Hèsta dera Castanhada ena Plaça dera Glèsia de Vielha, damb era visita d’Esperanceta.