Es pròplèu 28 e 29 de març, era Escòla Mairau “Era Cunhèra” de Vielha aufrirà dues jornades de pòrtes dubèrtes as pairs/mairs que volguen inscríuer as sòns hilhs e hilhes de cara ath pròplèu cors escolar, enes diuèrses linhes qu’aguest centre impartís abituaument (P0, P1 e P2).

Er orari de visita serà des 17 as 18 ores, e es pairs e mairs interessadi/es auràn d’inscriuer-se en tot trucar ath telefòn der Ajuntament de Vielha e Mijaran, 973640018.

Es visites son programades des 17 as 18 ores. S’amiarà a tèrme era presentacion deth personau docent, en tot realizar tanben ua visita guidada pes installacions. Ath delà, s’explicarà era programacion e era manèra de trabalhar deth professorat, e se balharà era documentacion oficiau entà poder realizar era preinscripcion dera mainadèra de cara ath cors escolar 2023-24.

Toti aqueri interessadi en participar en aguestes jornades de pòrtes dubèrtes an de formalizar era sua inscripcion en tot trucar ath telefòn der Ajuntament de Vielha e Mijaran, 973640018, en orari abituau d’atencion ath public, de deluns a diuendres, des 08 as 14 ores.