Era Agenda Compartida entara Transformacion Economica des Tèrres de Lhèida, Pirenèu e Aran ei ua iniciativa collaborativa prebotjada pera Deputacion de Lhèida e que compde damb eth supòrt e implicacion des principaus institucions lheidatanes.

En marc dera Agenda, s’organize era I Setmana dera Transformacion Economica deth 19 ath 24 de seteme, dedicada ara BIOECONOMIA CIRCULARA, un des airaus prioritaris identificadi entà auançar tà un modèu d’economia verda, circulara e digitalizada.

Ath long d’aguesta setmana auran lòc mès d’ua trentia d’accions entà tot eth territòri, entre es quaus se trapen es “JORNADES PARTICIPATIVES DERA BIOECONOMIA”. Aguestes Jornades pretenen sensibilizar e implicar ar hilat economic, sociau e formatiu des comarques lheidatanes ath torn dera bioeconomia e es sues oportunitats.

Era Jornada adreçada a implicar era comarca dera Nauta Ribagòrça e era Val d’Aran s’amiarà a tèrme en CEI Val d’Aran (Casau – Vielha e Mijaran) eth dia 22 de seteme de 17:00 a 19:00 ores.

Vos convidam a participar e a formar part dera Transformacion Economica des Tèrres de Lhèida, Pirenèu e Aran.