Un an mès, Bossòst se vestís de tradicion entà celebrar es sues singulares processons de Setmana Santa. Eth pòble se premanís entà víuer amassa moments de prigonda emocion e identitat.

Volem esténer un arregraïment especiau ara Associacion de Processons de Setmana Santa de Bossòst, pr’amor qu’era sua dedicacion hè possibla qu’aguestes tradicions seguisquen viues e mos junhen coma pòble. Eth sòn esfòrç e passion son eth còr d’aguestes celebracions.

Tanben, volem arregraïr as quasi 200 persones volontàries que participen an darrèr an, en tot portar damb orgulh es imatges e es simbèus. Tanben arregraïr ara corau  qu’acompanhe damb es sòns cants tota era processon. Era vòsta participacion ei essenciau e inspiradora.

Non podem desbrembar ad aqueri que trabalhen ena ombra, qui damb dedicacion premaníssen cada detalh entà qu’es passi e er entorn ludisquen ena sua maxima esplendor. Era sua labor, fòrça còps non vista, ei fonamentau entàs nòstes processons. Gràcies!

Ath delà, non desbrembetz visitar era exposicion de fòtos antigues des processons ena sala d’exposicions jos er ajuntament de Bossòst, deth 28 ath 31 de març. Un viatge ath passat que mos arrebrembe era beresa deth nòste eretatge. Gràcies Grop de hemnes de Santa Gueta Bossòst per aguesta iniciatiua.

Vos convidam a víuer aguestes processons damb nosati.