Es dies 3 e 4 de deseme, eth Palai de Gèu acuelherà un stage de tecnificacion de patinatge artistic damb era patinadora e entrenadora internacionau, Sara Hurtado.

Ua grana notícia entà d’aguesta installacion esportiua municipau que ja compde damb toti es sòns servicis en foncionament, dempús der esfòrç amiat a tèrme per Ajuntament de Vielha e Mijaran entà tornar ara normalitat dempús deth sòn obligat barrament en 2021 per grèus problèmes ena estructura.

Entà d’aguest eveniment s’impartirà classes as grups ISU, A, B e C.

Aguest stage ei organizat pera FCEH – Federació Catalana d’Esports d’Hivern, amassa damb era Real Federación Española de Deportes de Hielo, er Ajuntament de Vielha e Mijaran, eth Cegva Aran e era Generalitat de Catalunya.

Ei eth 2au stage de tecnificacion de patinatge artistic qu’acuelh eth Palai de Gèu d’ençà dera dubertura dera pista de gèu, dempús der impartit per entrenador italian, Lorenzo Magri, deth 23 ath 25 de seteme.