Eth pròplèu dissabte 18 de junh, eth Palai de Gèu de Vielha acuelh era activitat gratuïta subaquatica «Un naufragi ena piscina» entara mainadèra de 7 a 14 ans.

Ei ua activitat didactica de divulgacion cientifica, unica e innovadora, autant des deth punt d’enguarda didactic coma arqueologic, qu’er Ajuntament de Vielha e Mijaran met en marcha damb era collaboracion dera Universitat de Saragossa e er  Institut of Nautical Archaeology, descorbidors deth jadiment arqueologic de Uluburun, enfonsat en 1300 a.C., ena Edat de Bronze.

Ena piscina, era mainadèra traparà ua reproduccion d’aguest jadiment, e poderàn immergir-se entà rescatar es pèces, en tot realizar eth trabalh d’un arqueològ subaquatic.

Objectius:

– Remercar era importància der auviatge arqueologic.

– Generar interès pera preistòria en generau (en aguest cas centrat ena Edat de Bronze).

– Desvelhar ena mainadèra era sua vocacion entà protegir er auviatge arqueologic e era professionalizacion en aguesta disciplina.

Orari (2 torns):

– Des 11:00 as 13:00 ores

– Des 17:00 as 19:00 ores

Places limitades:

– Resèrva era plaça ena recepcion deth Palai de Gèu de Vielha