Es dies 28 e 29 de deseme de 18:00 a 21:00 ores, es Pompièrs d’Aran seràn ena Plaça dera Glèisa de Vielha realizant ua venta solidària d’exemplars deth calendari «Bombers amb Causa» de 2020, en que participen per prumèr an.

Era recaptacion artenhuda damb aguesti calendaris se destinarà a finançar era bèca de recèrca “Bombers amb Causa”, que concedís er Espitau Sant Joan de Déu entara investigacion de malauties infantils e, tanben, a projèctes d’atencion a mainatges e mainades en risc d’exclusion, atengudi en auti centres de Sant Joan de Déu.