Dejà an finalizat es òbres dera pòrta de Salardú dempús de fòrça mesi de trabalh. Rebrembam qu’aguest element vò escenificar eth que i auie ans endarrèr ena poblacion e convertir-se en un atractiu toristic mès en municipi.
En aguest sens, des deth consistòri, s’an destinat un totau de 160.000 euros ar acondicionament dera zòna e era creacion d’un mirador e ua plaça a on i è eth nòm de Salardú.
Ath delà, s’an plaçat jardinères e petiti bancs entà poder contemplar d’ua milhor forma aguesta òbra arquitectonica.
Eth baile, Cesar Ruiz Canela Nieto, avaloraue era fin d’aguestes accions d’ua forma positiua pr’amor que se recupère un element istoric e culturau deth territòri., e higie que “era fin dera òbra dera pòrta de Salardú supause un gran hèt perqué recuperam part deth nòste patrimòni culturau. A estat bastida tota a man e damb materiaus de qualitat entà dignificar-la encara mès”.
Info: Ajuntament de Naut Aran