Pendent aguesta setmana s’a iniciat eth Cicle d’Actuacions de Dances Tradicionaus Araneses entad aguest ostiu, organizat peth Conselh Generau d’Aran e Foment Torisme Val d’Aran.

Era Còlha de Santa Maria de Mijaran, Es Corbilhuèrs de Les, Es Fradins de Vielha, Es Gripèts de Salardú e Es Sautarèths de Bossòst actuaràn, pendent diferenti dies de junhsèga, agost e seteme, enes diuèrses poblacions dera Val d’Aran.

Er objectiu d’aguestes accions ei auferir a locaus e toristes, mejançant era musica e es dances, part der auviatge culturau aranés.