Pendent era darrèra setmana, auec lòc per prumèr viatge, era amassada periodica dera junta dera asociación de Viles Termals de Catalunya ena Escòla d’Ostalaria de Les.
Era amassada compdèc damb era preséncia, coma convidats ara madeisha, de representants deth patronat de torisme Pyrenees31 (Comminges) e des Termas Baronía de Les.
Entre d’auti ahèrs, se presentèren es resultats d’un estudi sus es beneficis dera balneoteràpia ena Covid persistenta. Er estudi, elaborat per Institut de l’Hospital del Mar en collaboracion damb era associacion, valòre fòrça positivament es resultats des tractaments termaus e es melhores des sintòmes d’aguesta patologia, atau coma es sòns beneficis emocionaus.
Atau madeish, era Associació de Viles Termals de Catalunya a estat admetuda ena European Historic Thermal Towns Association, en tot esdevier membre d’aguest hilat europèu, a on dejà pertanhen famoses viles balneàries coma son Spa, Baden o Budapest. Aguest hèt, permeterà plaçar eth termalisme e es viles termaus araneses e potenciar aguest actiu coma revulsiu toristic e d’activitat economica.
En aguest sens, cau remercar qu’ei eth prumèr viatge que se celebren ues jornades ath torn deth termalisme e des viles termaus en Aran, en tot plaçar-la tanben en mapa termau catalan.
Toti es membres avalorèren fòrça positivament es entorns e actius des viles araneses de Les, Arties e Tredòs, e es disparières installacions termaus visitades, e definiren as municipis organizadors des jornades e ara Val d’Aran coma un parçan excepcionau en mon deth termalisme.
Info: Ajuntament de Les