Aguesta semana s’an iniciat es trabalhs de consolidament e arranjament deth Castèth de Pijaoèrt entara sua reabilitacion, que permeteràn dignificar e condicionar era zòna.
En aguest sens, s’an començat es trabalhs de rejuntat en mur e ena cara èst dera fortificacion, ath madeish temps, qu’auancen tanben es trabalhs arqueologics ath torn deth recinte e era bastissa.
Ei previst qu’aguesti prètzhèts agen ua durada de tres mesi. Ua intervencion que permeterà méter en valor er auviatge e patrimòni de Les.
Vos informam qu’eth camin d’accés patonau ei dubèrt, mès s’a acondicionat un nau camin pes depòsits dera Cauvèra entà perméter er accés e transpòrt de materiaus des òbres. Un cop finalisades, se netejarà e condicionarà aguest airau e es entorns dera Ermita de Sant Blas.
Info: Ajuntament de Les