Eth pòble de Les celebre eth pròplèu 12 de mai era Shasclada deth Haro, ua hèsta tradicionau des der an 2000, laguens des actes des hèstes deth huec d’enguan.

Pendent eth maitin es participaires ar acte baisharan eth haro der an que ven enquiara plaça, dempús d’arrosegar-lo pes carrèrs, e començaràn a shasclar-lo, treiguer-li era pela entà que se pogue secar, e daurir-lo damb cunhes.

Un viatge qu’era soca ei shasclada, se deisharà secar, e se sauvarà enquiara hèsta de Sant Pere, quan serà plaçada en centre dera Plaça deth Haro, damb era actiuetat coneishuda coma era Quilha deth Haro. Entà Sant Joan der an 2019 que serà cremat.

Eth programa dera hèsta tanben conforme un dinar populara entà toti, concert de tarde e un balh de net.