Dissabte, 26 de noveme, en Palai d’Espòrts de Vielha d’11:00 a 22:00 ores, de forma ininterrompuda.
Era Val d’Aran acuelh ua naua Maraton de donacion de sang e, un an mès se vò implicar ara societat aranesa.
Volen bàter un nau rècord de participacion, en tot superar es resultats dera passada edicion. Era Val d’Aran s’artenèren 226 bosses de sang e 32 auferiments.
Se tracte d’ua jornada solidària, hestiua e ludica, en qué se combinaràn es extraccions de sang damb multiples activitats socioculturaus damb era volentat d’implicar-i ath major nombre de possibles donants dera Val d’Aran. Aguestes activitats se publicitaràn dies antes, en tot hèr-ne difusion enes pannèus deth pòble e enes hilats sociaus.
Era Associacion de donants de sang vò arregrair era collaboracion que tostemps presten desinteressadament es entitats e associacions araneses ena Maraton de donacion.
Rebremba:
- Pòs dar sang s’as mès de 18 ans e peses mès de 50 quilòs
- Pòs dar sang se gaudisses de bona salut
- Non as de vier en dejú.
- Es hemnes pòden hèr tres donacions ar an e es òmes quate.
- Se prenes bèth medicament, eth mètge dera Maraton te diderà se pòs dar o non.
Era sang tostemps ei de besonh e toti en podem dar en tot destinar sonque 20 minutes deth nòste temps. Dar sang a d’èster mès un costum, e non ua activitat de solidaritat puntuau e extraordinària. Era darrèra Maraton en Aran servic tà que 45 naus donants s’inicièssen ena donacion.