Serà eth prumèr viatge ena istòria que s’emplegue era lengua occitana damb un interprèt en ua cort de justicia.

Eth jutjament ara Mesa deth Parlament e ara exdiputada dera CUP Mireia Boya, acusadi de non escotar ath Tribunau Constitucionau entà perméter tramitar es leis deth procés, a començat aguest maitin en Tribunau Superior de Justícia de Catalonha (TSJC).

Ath long d’aguest maitin ei prevista era declaracion deuant eth tribunau des cinc acusadi, qu’afronten ua peticion fiscau d’un an e ueit mesi d’inabilitacion per un delicte de desaubediment grèu, atau coma ua multa de 30.000 èuros cadun.

Se tracte deth exvicepresident prumèr dera Taula ena darrèra legislatura, Lluís Corominas (PDECat), era exsecretaria prumèra Anna Simó (ERC), era exsecretaria quatau Ramona Barrufet (PDECat), eth exvicepresident prumèr Lluís Guinó (PDECat) –qu’en agost de 2017 substituïc a Corominas quan aguest assumic era direccion de JxSí dempús deth nomentament de Jordi Turull coma conselhèr de Presidéncia– e era exdiputada dera CUP Mireia Boya.

Entad aguesta tarde ei previst que compareishen es sies prumèrs testimònis en jutjament: eth exvicepresident dusau deth Parlament José María Espejo-Saavedra (Cs); eth exsecretari dusau David Pérez (PSC); Antoni Bayona; es exsecretariis generaus Xavier Mur e Pere Solei, e er expresident deth Parlament Ernest Benach (ERC).

Fotos: La Vanguardia