Naut Aran a estat present en Nancy, en França, en tot seguir damb er objectiu de promòir eth territòri en airau deth termalisme a nivèu internacionau.
Pendent es darrèri mesi, e des dera entrada der Ajuntament de Naut Aran, coma Vila Termau de Catalonha, s’an amiat a tèrme diuèrses accions entà assolidar ath municipi coma un emplaçament a visitar en çò que tanh ath termalisme que se pòt gaudir en Arties e Tredòs.
Un exemple n’ei aguesta trobada damb representants de tot eth mon deth termalisme a on Naut Aran i a volut èster present entà promoiguer-se autant coma veir dinamiques de d’autes regions e continents damb aguesta qüestion.
Eth prètzhèt definitiu deth consistòri de Naut Aran ei eth de generar atractius potents entà contribuir damb era desestacionalizacion en parçan.
Info e foto: Ajuntament de Naut Aran