Entad aguesta net de Sant Joan, Pompièrs d’Aran a premanit un dispositiu damb efectius que balharàn cobertura as disparièrs huecs o celebracions cobrint es besonhs qu’agen lòc en territòri.
Era equipa de Pompièrs vò rebrembar que cau incrementar era susvelhança e mesures de seguretat en aguestes celebracions damb huec.
Volem rebrembar tanben seguir es normes de seguretat damb es petards.
Es petards an d’èster artenhudi en ua botiga certificada.
Manipular es petards tostemp en companhia de bèth adult.
Non lançar jamès es petards contra cap persona o animau.
Non tier es petards damb es mans.
Non alugar-les en espacis barrats.
Non sauvar es petards enes pòches.
Era mainadèra a de manipular es petards recomanadi entara sua edat.
E en cas d’accident telefonar ath 973640080 o 112
Pompièrs d’Aran vos desire ua bona e segura net de Sant Joan 2023.
Info e foto: Pompièrs-Emergéncies / Pompièrs d’Aran