Era Associacion de Vesins des Banhs, damb er Ajuntament de Naut Aran, celebre aguest dissabte, 23 de seteme, era Pregària dera Mair de Diu des Banhs.
Eth programa ei ua amassada ena Mòla de Salardú, tàs 9.00 ores, entà pujar peth Camin des Marrecs entonant er himne des Banhs. Ena Borda Montadi, esdejoar damb carn ara brasa, sonque tàs que pujen peregrinant as Banhs.
Entas 13.00 ores, Missa en aunor dera Mair de Dius des Banhs, ara seguida dera Caritat entà toti es assistents e dinar popular sonque damb ticket que cau recuélher en burèu der Ajuntament de Naut Aran.
Pera tarde, jòcs de d’auti tempsi, coma er aro, es quilhes, tirar dera còrda, era herradura e concors de puls e un gran huèc, damb chicolatada e coca entà toti.
Barrarà era hèsta un sopar popular entàs vesins en es Banhs.