Er Espai Cultural la Lira de Tremp a acuelhut aguest dimars era celebracion deth 3au Acte de Reconeishement as Esportistes e Entitats der Alt Pirineu e Aran, damb ua notabla preséncia d’esportistes aranesi entre es premiadi.
[adrotate group=»1″]Pendent er acte, organizat pera Secretaria General de l’Esport, era delegada deth Govern per l’Alt Pirineu i Aran, Rosa Amorós, liurèc un prèmi especiau ath Palai de Gèu de Vielha pes 25 ans que pòrte en foncionament, e que siguec recuelhut peth baile de Vielha e Mijaran, Juan Antonio Serrano e peth dusau tinent d’alcalde, Alberto López.
Pendent era gala organizada dimars pera Secretaria General de l’Esport, se liurèren guerdons a un totau de vint esportistes d’entitats e clubs aranesi pes resultats obtengudi pendent er an 2018
“Èm fòrça satisfèts peth reconeishement qu’era Secretaria General de l’Esport a hèt ath Palai de Gèu de Vielha pes sòns 25 ans. Un reconeishement per toti es que trabalham a diari, o i an trabalhat en aguesti ans, en amiar endeuant aguesta installacion esportiua qu’ei de referéncia autant ena Val d’Aran coma enes Pirenèus e que gent arribada de desparièrs lòcs gaudissen pendent tot er an”, comente eth baile de Vielha e Mijaran, Juan Antonio Serrano.
Pera sua part, eth dusau tinent d’alcalde e còsso d’espòrts, Alberto López, tanben a agut paraules de felicitacion entà toti es esportistes aranesi premiadi “pr’amor que toti eri representen eth nòste territòri damb es exits qu’artenhen enes sues disciplines esportives, e fòrça d’eri empleguen o an emplegat es installacions deth Palai de Gèu entara sua preparacion”.
Ena gala, i sigueren presents tanben eth Secretari General de l’Esport, Gerard Figueras, eth Representant Territorial de l’Esport en Lleida, Joan Segura e eth deputat provinciau, Marc Baró.
Pendent era gala, se liurèc un totau de vint guerdons a esportistes aranesi. Es premiadi sigueren es següenti: Alfredo Faure, Ana María Ferron, Tania Pérez e Javier Santamaria dera Associacion de Discapacitats d’Aran (ADDA). Marina Amilibia, Adrian Manero e Aroa Amilibia, deth Club Curling Val d’Aran. Lydia Iglesias e Maria Iglesias der Aran Nòrdic Esquí Club (ANEC). Octavi Aris, Júlia Bargalló, Samuel Beso, Marta Moreno e Àlex Puente deth Club Aranés d’Espòrts d’Iuèrn (CAEI). Martí Alonso e Lucia Sánchez deth Club d’Espòrts de Gèu Val d’Aran (CEGVA). Anna Esteve e Jan Jorge Bergé deth Club d’Esquí Val d’Aran (CEVA). Ainhoa Cardet e Astrid Fina deth Montanha Aran Club.
[adrotate group=»1″]Info: Ajuntament de Vielha e Mijaran