Eth Conselh Generau d’Aran a contunhat aguesta setmana damb es trebalhs de senhalizacion des itineraris deth projècte dera rota deth Tuc deth Montlude. En aguesta ocasion, es trebalhs an consistit ena senhalizacion de tres itineraris dera part nauta dera rota enes que, amassa damb eth personau deth Conselh Generau d’Aran, i an participat sies volentaris.
Es trebalhs que compdèren damb eth supòrt d’elicoptèr entath transpòrt des materiaus, consistiren en plaçament de 150 estaques e un pal verticau de senhalizacion direccionau.
Es tres trams senhalizats son:
-Montlude – Tuc des Neres – Eth Cau de Nau.
-Montlude – Barracomica – Estanh de Laujò.
-Montlude – Uishera.
Eth conselhèr de Territòri, José Antonio Boya, metec de manifèst que “era propòsta de potenciar eth Montlude per part del Conselh Generau d’Aran coma un referent de nauta montanha pes terçons d’Irissa e Quate Lòcs ei pes sòns valors naturaus e tanben perquè ei accessible des de Canejan, Les, Bossòst, Arres e Vilamòs, pr’amor qu’era panoramica que se pòt divisar des deth Tuc deth Montlude ei fòrça espectacular e d’ua grana beresa”
