Aué dijaus 11 de Junh, eth Plen der Ajuntament de Les, en convocatòria extraordinaria, s´a amassat entà decidir sus era organisacion des Hèstes deth Huec 2020 valorant diuèrsi aspèctes dera situacion dera emergéncia sanitaria e der estat d´alarma a prenut es següentes consideracions:
• Deuant dera impossibilitat de garantir es mesures de prevencion sanitaria enes distàncies de seguretat entre es persones ena realisacion des nòstes hèstes (shasclada-crema -quilha der haro).
• Entenent era nauta simbologia e relevància des tres etapes des Hèstes deth Huec per igual (shasclada-crema-quilha der haro) e non poder garantir era celebracion des madeishes en aguesta anualitat, non poden dar respòsta as mesures de seguretat e distància sociau de besonh entà esvitar naui contagis.
• Enes pòrtes d´ua naua normalitat, a on se daurissen es termières, e aquera dubertura a de portar era reactivacion economica deth parçan, tant perjudicat peth barrament dera madeisha, non podem assomir era responsabilitat d´organisar aguesti events multitudinaris e auer era possibilitat d´un rebròt infecciós que obligarie a confinar eth parçan aute cop, damb es nefastes conseqüéncies economiques.
Per tot açò eth Plen der Ajuntament de Les a decidit:
SUSPENER ES ACTES E EVENTS DES HÈSTES PATRONAUS E DETH HUEC enquià er an 2021.
Er Ajuntament de Les repartirà un Bando informatiu hent mès extensiua aguesta informacion.
Info: Ajuntament de Les