Auancen damb bon ritme es trabalhs de bastiment deth camp de fotbòl sèt en pati dera Escòla Garona, atau coma eth marcatge d’ua pista de basquet ath cant.
Era pista d’èrba artificiau e es linhes reglamentàries deth camp de fotbòl ja son plaçades e manque per installar es porteries. Atau madeish, ena pista poliesportiua s’a reformat eth solèr e manque per pintar es linhes reglamentàries d’ua pista de basquet. Ath delà, tanben se milhorarà eth barratge deth pati dera escòla.
Eth 2au tinent d’alcalde e còsso d’ensenhament e d’espòrts de Vielha e Mijaran, Alberto López, a visitat es òbres acompanhat pera directora dera Escòla Garona, Maite Bayo.
Aguest ostiu, tot aguest recinte esportiu ja serà prèst e disponible entara mainadèra deth centre escolar e entà toti es vesins deth municipi, en tot corbir un besonh esportiu de hèr fòrça ans.
Info: Ajuntament de Vielha e Mijaran