Entà commemorar aguest dia s’an organizat diferentes activitats tà toti es publics pendent era setmana deth 2 ath 8 de març.
[adrotate group=»1″]Eth pròplèu dimenge 8 de març se celèbre eth Dia Internacionau dera Hemna e eth govèrn deth Conselh Generau d’Aran a premanit un ampli ventalh d’activitats entà commemorar aguest dia tan destacat.
Pendent tota era setmana (deth 2 ath 8 de març) era Bibliotèca Generau de Vielha acuelherà era exposicion fotografica Hemnes trabalhadores en Aran, visibilizant as invisibles, dera Associacion pera Igualtat en Aran. Era inauguracion aurà lòc deluns tàs 17:30 e era exposicion se poderà visitar pendent era setmana, en orari abituau dera bibliotèca.
Eth 5 de març, tàs 18:00 ores ena Bibliotèca de Vielha, aurà lòc era conferéncia Dones sàvies, a cargue de Teresa Vinyoles e, ara seguida, se presentarà eth vidèu musicau “Hemnes coma tu”.
Eth 6 de març tàs 9:15 ores deth maitin, es alumnes de 2au, 3au e 4au dera ESO gaudiràn dera òbra de teatre “Princesas”, que trabalhe era igualtat de genre, ena sala Era Audiovisuau de Vielha. Tàs 19:00 ores, ena madeisha sala, aurà lòc era estrea deth vidèu commemoratiu deth Conselh Generau d’Aran e, ara seguida, era presentacion dera pellicula documentau Chhaupadi, dera alpinista Edurne Pasaban.
Enguan, coma nauetat, es participants ena Corsa dera Hemna poderàn gaudir d’un vermut musicau e dera session musicau de DJenka qu’amenizarà er acte
Eth 6 e 7 de març se poderàn realizar es inscripcions presenciaus dera Corsa dera Hemna, e aurà lòc tanben era entrèga de dorsaus e samarretes.
Eth 8 de març se celebrarà era 7au edicion dera Corsa dera Hemna, ua corsa populara de 5 km pes carrèrs de Vielha que se poderà realizar en tot córrer o caminar. Enguan, coma nauetat, es participants ad aguest acte poderàn gaudir d’un vermut musicau e dera session musicau de DJenka qu’amenizarà er acte.
Info: Conselh Generau d’Aran