Aguesta dimenjada eth cap-lòc dera Val d’Aran, Vielha, se convertís en epicentre dera modalitat de enduro deth Pirenèu damb er acuèlh dera dusau edicion deth campionat Noth Face Enduro Series.
Era organizacion der eveniment non desvelharà eth lòc exacte de realizacion enquia uns dies abantes dera pròva, mès s’amiarà a tèrme entre es bòsqui ath torn de Vielha e Mijaran.
Deman dissabte comence era jornada damb era reconeishença deth circuit e ua Crono de tram secrèt a on s’establirà er orde de gessuda entara carrèra. Pera tarde, se realizarà un pica pica damb tiratges de materiau e recuelhuda des adesius damb er orde de gessuda deth dimenge. Ja londeman, dimenge 17, tàs 8 ores se darà inici ara Carrèra North Face Enduro Race, eth podium e eth minjar damb es assistents.
Ua dimenjada plia d’actiuetats en Vielha entàs aficionadi ath Enduro en toti es sòns nivèus.
Hònt: Ajuntament de Vieha e Mijaran
Foto: Aran Bike Parks