Eth pròplèu 28 d’abriu, Vielha acuelherà era Jornada Escolara Intercomarcau que s’amie a tèrme cada dus ans en ua comarca desparièra, damb lèu 800 alumnes de 6au cors de primària.

Era jornada ei organizada peth Conselh Esportiu dera Val d’Aran, amassa damb er INS d’Aran, damb era collaboracion der Ajuntament de Vielha e Mijaran.

Enguan, eth Conselh Esportiu dera Val d’Aran organize aguesta jornada amassa damb er INS d’Aran, en tot recéber lèu 800 alumnes de tota era província.

Es activitats que se realizaràn son esportives e de léser, en tot concentrar-se en dus punts concrèts: Eth Palai d’Espòrts, a on se desvoloparàn activitats coma orientacion, spartan race, jòcs de punteria e zumba entre d’autes, e en parcatge public des antigues casèrnes militares, damb badminton, tennis taula, acrosport e jòc collectiu entre d’auti. En totau i aurà 10 estacions, en tot hèr 20 menutes d’activitat e 5 menutes de descans e cambi d’exercici. Er orari d’aguestes activitats serà des 10:00 ores enquias 14:00 ores.

Es alumnes de 6au cors de primària realizaràn activitats esportives e de léser en Palai d’Espòrts e en parcatge public des antigues casèrnes militares

Aguest maitin, er Ajuntament de Vielha e Mijaran a acuelhut era amassada de coordinacion d’aguesta jornada, damb preséncia des diuèrses institucions qu’organizen er eveniment, tà premanir eth corrècte foncionament e desvolopament dera activitat, atau coma era seguretat des alumnes.

“Èm contenti de poder recéber ua jornada intercomarcau damb alumnes de tota era província, mès ath madeish viatge, ei ua responsabilitat importanta, pr’amor que son lèu 800 escolars, e açò supause auer ua bona coordinacion entre totes es parts organizadores der eveniment”, comente eth 2au tinent d’alcalde, Alberto López. E hig que “demorem que tota era mainadèra que vengue, age ua experiéncia agradiua, e que gaudisque des activitats premanides”.

Info: Ajuntament de Vielha e Mijaran