T’agrade eth dessenh?

Lengua Viua presenta un concors entath dessenh dera samarreta dera 23au CORSA ARAN PER SA LENGUA 2016.

Se t’agrade eth dessenh, aguesta ei era oportunitat entà qu’ena corsa d’enguan totes es samarretes pòrten eth tòn diboish.

TÈMA: 23au Corsa Aran per sa Lengua. Aguest ei eth solet tèxte qu’a de constar obligatòriament ena samarreta.

CATEGORIA: era categoria ei unica. Eth concors ei adreçat ath public en generau, de quinsevolh edat.

TECNICA: liura, en tot tier en compde qu’aurà d’èster reprodusible en tela. Era samarreta a d’èster dessenhada peth deuant e peth darrèr o sonque per un costat.

PRÈMI:
– Prèmi unic de 400 euros.
– Eth dessenh guanhador se notificarà en Facebook de Lengua Viua e s’autrejarà eth prèmi eth dia dera Corsa Aran per sa Lengua. Eth collectiu Lengua Viua pòt declarar desèrt eth concurs.

PRESENTACION DES DESSENHS:
– Es dessenhs an d’èster presentadi en supòrt digitau (CD/DVD) damb format d’archiu jpeg/doc, e tanben en supòrt papèr (DINA4).
– Es dessenhs an d’anar signadi damb un subernòm (tant eth supòrt papèr coma eth format digitau).
– Non s’acceptaràn es trabalhs a on a simpla vista s’i veigue eth nòm der autor/a e que non complisquen totes es bases deth concors.
– Presentatz eth dessenh en una engolòpa grana e en exterior signatz damb un subernòm.
– En una huelha escriuetz es vòstes donades personaus (nòm e cognòm, adreça, corrèu
electronic e telefon de contacte). Aguestes donades an d’anar en una engolòpa mès petita e barrada signada tanben damb eth subernòm.
– Sonque s’acceptarà ua òbra per autor.
– Ei de besonh qu’eth dessenh sigue inedit.

TEMPS DE PRESENTACION:
– Deth 21 de març enquiath 09 de mai de 2016
– Lòc de presentacion: Bibliotèques de Salardú,Vielha e Les.

JURAT: format pes membres dera junta deth collectiu Lengua Viua.
Toti es dessenhs presentats demoraràn proprietat de Lengua Viua.
Es dessenhs seràn expausadi en Facebook de Lengua Viua un còp escuelhut eth dessenh guanhador.
Aguesta ei era oportunitat entà qu’ena Corsa d’enguan, totes es samarretes pòrten eth tòn diboish!

Se ne vòs saber mès consulta es bases en Facebook de Lengua Viua o enviant un mail a lenguaviua@gmail.com

PARTICIPA-I!!