Era piscina serà dubèrta entre es 11 ores enquias 19 ores enquiath pròplèu 1 de seteme.
[adrotate group=»1″]A compdar d’aguest dissabte 13 de junhsèga, era piscina de Gausac serà dubèrta ath public, entà poder gaudir d’aguesta installacion pendent er ostiu. Aguesta installacion demorarà dubèrta enquiath pròplèu 1 de seteme.
Era mainadèra enquias 7 ans auràn era entrada gratuïta, des 8 as 16 ans eth prètz ei de 2 èuros, mentre qu’entàs adults eth prètz ei de 3 èuros. Cau rebrembar qu’ena madeisha installacion se poderà gaudir d’un servici de bar.
Segontes eth còsso d’Espòrts e Joenessa de Vielha e Mijaran, Alberto López, “èm satisfeti de poder anonciar, un an mès, era dubertura dera piscina de Gausac, qu’ei un servici que fòrça gent gaudís ath long der ostiu. Demorem qu’era sason sigue profitosa e damb bona climatologia entà toti, e pogam auer ua nauta afluéncia”.
D’aguesta manèra, era piscina de Gausac se hig ara exteriora deth Palai de Gèu de Vielha, que ja se dauric eth passat 20 de junh, entà complementar era aufèrta de piscines de Vielha e Mijaran.
[adrotate group=»1″]info e foto: Ajuntament de Vielha e Mijaran