Era Associacion de Donants de Sang dera Val d’Aran premanís entath pròplèu dissabte 10 de noveme ua naua edicion d’Era Maraton de Donacion de Sang, en Palai d’Espòrts de Vielha, en orari des 11 deth maitin enquias 10 deth ser ininterrumpudament.
A diari eth Banc de Sang distribuís uns 1.000 productes sanguinis (plasma fresc, concentrats d’hematies e concentrats de plaquetes) as espitaus de Catalunya, sustot entà casi d’anèmia aguda o cronica, intervencions quirurgiques, tractaments oncologics e accidents grèus. Era sang e es sòns components an ua vida limitada e, per tant, entà assegurar-ne un estòc, cau qu’era donacion se convertisque en un abit.
Ena Val d’Aran, gràcies ara collaboracion e solidaritat des sòns poblants, era donacion de sang s’està tornant un costum tà fòrça gent.
Ei imprescindible mantier es donacions e a poder èster augmentar-les entà arribar a hèr front a toti es besonh deth dia a dia des espitaus atau coma as possibles situacions d’emergéncia.
Rebrembam qu’era donacion non compòrte cap risc entara salut deth donant, que sonque demane uns minuts deth nòste temps, e tot e qu’eth heired NON ei un bon amic dera sang, ja que quan plò e hè mau temps, es donacions quèn lèu enquiara meitat sustot per qu’auem era tendéncia a quedar-mos en casa, cau auer en compde qu’era nòsta docnacion pòt sauvar ua vida, e aguest ei motiu suficient entà hèr un petit esfòrç e anar a dar sang.