S’a presentat era dusau edicion deth Concors de Fotografia “ Vilamòs. Tiò!!!, natura e cultura” organizat pera Associacion Es Paums, damb eth supòrt der Ajuntament de Vilamòs.
Eth Concors a coma objectiu hèr a conéisher es valors de Vilamòs e era Val d’Aran enes ambits dera cultura, natura, hèstes, monuments, persones e activitats.
En Concors i pòt participar quinsevolhe persona major d’edat. Es fotografies an d’èster prenudes ena Val d’Aran pendent er an en cors e son valides es imatges de quinsevolhe lòc.
Cada participant pòt presentar tres fotografies, qu’an d’èster òbra der autor/a e an d’auer caractèr inedit.
Es fotografies s’an d’enviar ath corrèu electronic espaums@gmail.com
Eth plaç tà presentar es fotografies acabe eth 19 de agost de 2019.
Es fotografies guanhadores se haràn publiques eth dia 1 de Seteme de 2019 pendent er acte de inauguracion dera Exposicion Fotografica en Musèu Casa Joanchiquet de Vilamòs.
• Era fotografia guanhadora serà era imatge dera Hèsta Major der an 2020 e ath delà serà premiada damb un Dron
• Tanben s’autrejaràn dus accèsits que receberàn un dinar tà dues persones en Restaurant Uishèra de Vilamòs(1º) e un camalhon(2º), respectivament.
• Es classificadi en quatau, cincau e siesau lòc, receberàn un trofèu e un diplòma de reconeishement.
Se harà una exposicion en eth Musèu Joanchiquet de Vilamòs pendent eth mes de Seteme des 100 milhores fotografies seleccionades.
Ena pasada edicion deth Concors i participèren pròp de 150 fotografies prenudes ena Val pendent er an passat.
Era fotografía guanhadora siguec presentada per Pablo Arancibia que jos eth títol VILAMÒS, reflectís es huecs d’artifici dera Hèsta de Vilamòs.
Era organizacion sage, en tot júnher era aficion ara fotografia e eth potenciau de difusion des hilats sociaus, de descorbir e hèr a conéisher lòcs, paisatges e cornèrs encara amagadi deth nòste País.
Es Bases se pòden demanar a espaums@gmail.com