Eth dijaus, 22 de març passat, er Ajuntament de Les celebrèc eth prumèr plen ordinari der an.
Entre d’auti ahèrs, s’aprovèc eth pressupòst iniciau entath 2024 damb 2 milions d’euròs, que contemple diuerses inversions destacades coma son, era melhora dera eficiéncia energetica des bastisses der Ajuntament e es Monges, era sustitucion dera iluminacion deth camp de fotbòl dera Cauarca, es òbres de melhora des servicis en hilat d’aigües e collectors ena zòna deth Cementèri e er airau de Cafisa, atau coma era melhora e enlumenat deth cementèri.
Per un aute costat, se ratifiquèc era modificacion e aprovacion definitiva deth Duprocim, que son es plans d’actuacion e emergéncia de proteccion civiu municipaus.
Atau madeish, tanben s’aprovèc per unanimitat un document en supòrt des trabalhadors de Neoelectra e era demana ara enterpresa entà sollicitar un plan de mantenements e seguretat en recinte industriau.
Info e foto: Ajuntament de Les