Er Ajuntament de Naut Aran potencie eth sòn compromís damb era cultura en municipi.
S’an renauït dus ordenadors que i auie ena Bibliotèca de Naut Aran plaçada en Salardú entà qu’es usatgèrs que s’apròpen entà aguest equipament municipau poguen hèr tot tipe de consultes d’ua forma mès eficienta.
Hè uns mesi se cambièren es auti dus ordenadors e mancaue per actualizar-ne dus en aguesta naua fasa que dejà s’a completat.
Era Bibliotèca de Salardú esdevie un des emplaçaments culturaus mès importants dera Val d’Aran en tot compdar damb activitats tanplan interessantes coma clubs de lectura (eth 22 de març serà eth següent), condacondes e d’autes accions vinculades damb era mainadèra o tà toti es publics.
Info e fotos: Ajuntament de Naut Aran